اسکی گولمه‌جه‌لردن
یازار : اورمولو
+0 بَیَن
قیزین آتاسی: «خان‌اوْغلان دانیشگاها دا گئدر؟»
اوْغلانین آتاسی: «یۆک دۆشسه به!»
مۆشتری: «دۆنن ساتدیغینیز سۆت دبّه‌سینی آچدیقدا گؤردوک خالیص سۇدور!»
دۇکان‌صاحاب: «باغیشلا٬ اوْ دبّه‌یه سۆت قاتماغی اۇنوتموشدوق!»
حسوْ اوْغلونون هوشونو ایمتیحان ائتمک اۆچون قابلامایا چالیر؛ اوْغلو چؤنوب دئییر: «آتا کیم قاپی چالیر؟» آتاسی اۆرگینده یازیقلیغی گله‌رک دئییر: «گئت باخ بلکه آنان‌دیر...» اوْغلو دئییر: «آخی اوْنون آچاری وار٬ اینانیرام سن اوْلاسان!» حسوْ دئییر: «دۆز دئییرسن ها٬ قوْی بیر گئدیم باخیم گؤروم!»
پیشیکلر آراسیندا گۆلش(کوشتی) مۆسابیقه‌سی وار ایمیش؛ آریق بیر پیشیک هامینی ییخیب اوّل چیخیر! میلّت آغزی آچیق قالاراق بیله‌سیندن سوْروشور: «به سن بۇ آریقلیقدا نئجه هامینی ییخا بیلدین؟!» آریق پیشیک دئییر: «مؤعتادلیغین آتاشینا لعنت٬ من آشلانام!»
حسوْ: «آغا دوکتور عجیب بیر اوْیون باشیما گلیب؛ بدنیمین هرهانسی یئرینه ال دَیدیگیمده بارماغیم آغیریر!»
دوکتور باخیب گؤرور بارماغی چیخیب...
قاضی: «داها دانماغین فایداسی یوْخدور٬ دؤرد نفر سنی خلاف ائتدیگینده گؤروبلر!»
مۆتّهم: «بۇ کی اوْلمادیر مدرک؛ یئددی میلیارد دا گؤرمه‌ییبلر!»
آنا: «اوْغلوم بۇ گۆلدانی هاردان گتیریبسن؟»
اوْغول: «قوْنشونون حیطیندن.»
آنا: «بیلیر آخی؟!»
اوْغول: «هن بابا٬ کۆچه باشیناچان دا قوْوالادی بیله‌می!»
ادبیات اؤیرتمنی(معلّیمی): «"من میلیونرم" نه‌جور جۆمله‌دیر؟»
اؤیرنجی‌لر: «گوْپ!»
گئجه یاریسی بیرینین قاپی‌سی چالینیر؛ ائوصاحاب آچیب چالاندان سوْروشور: «نه ایشیز واردیر؟»
طرف دئییر: «ایجازه‌زله گلمیشیک اوْغورلوغا!»
ائوصاحاب هاوار چکیر: «کؤمک! کؤمک!»
اوْغرو دئییر: «زحمت چکمه‌یین٬ ایکی نفری کؤمک اۆچون گتیرمیشم!»
رییس: «نه‌یه گئج(بئوقت) گلیبسن؟»
کارمند: «یوْخویا قالمیش ایدیم.»
رییس: «ائوده ده یاتارسان؟؟»
ائو صاحاب: «منیژه خانیم سن گۆنده ۱۵ قوْناغا باخماقدان یوْرولماییرسان؟»
ایش گؤرن: «یوْخ آغا ۱۵ قوْناق کی بیر زاد دئییل٬ کندده اوْلاندا گۆنده ۴۰ دنه مال-داوارا باخاردیم!»
بیرینجی اکینچی: «من باغدا ائله قوْرخمالی بیر بوْستان‌قوْرخولوغو(مترسک) قوْیموشام کی٬ قۇشلار بیر دنه مئیوه ده یئیه‌نمه‌ییرلر!»
ایکینجی اکینچی: «من ده ائله قوْرخمالی‌سین قوْیموشام کی٬ قۇشلار قوْنشو باغیندان مئیوه دریب منیم باغیما سالیرلار!»
اوْغلانین آتاسی: «یۆک دۆشسه به!»
مۆشتری: «دۆنن ساتدیغینیز سۆت دبّه‌سینی آچدیقدا گؤردوک خالیص سۇدور!»
دۇکان‌صاحاب: «باغیشلا٬ اوْ دبّه‌یه سۆت قاتماغی اۇنوتموشدوق!»
حسوْ اوْغلونون هوشونو ایمتیحان ائتمک اۆچون قابلامایا چالیر؛ اوْغلو چؤنوب دئییر: «آتا کیم قاپی چالیر؟» آتاسی اۆرگینده یازیقلیغی گله‌رک دئییر: «گئت باخ بلکه آنان‌دیر...» اوْغلو دئییر: «آخی اوْنون آچاری وار٬ اینانیرام سن اوْلاسان!» حسوْ دئییر: «دۆز دئییرسن ها٬ قوْی بیر گئدیم باخیم گؤروم!»
پیشیکلر آراسیندا گۆلش(کوشتی) مۆسابیقه‌سی وار ایمیش؛ آریق بیر پیشیک هامینی ییخیب اوّل چیخیر! میلّت آغزی آچیق قالاراق بیله‌سیندن سوْروشور: «به سن بۇ آریقلیقدا نئجه هامینی ییخا بیلدین؟!» آریق پیشیک دئییر: «مؤعتادلیغین آتاشینا لعنت٬ من آشلانام!»
حسوْ: «آغا دوکتور عجیب بیر اوْیون باشیما گلیب؛ بدنیمین هرهانسی یئرینه ال دَیدیگیمده بارماغیم آغیریر!»
دوکتور باخیب گؤرور بارماغی چیخیب...
قاضی: «داها دانماغین فایداسی یوْخدور٬ دؤرد نفر سنی خلاف ائتدیگینده گؤروبلر!»
مۆتّهم: «بۇ کی اوْلمادیر مدرک؛ یئددی میلیارد دا گؤرمه‌ییبلر!»
آنا: «اوْغلوم بۇ گۆلدانی هاردان گتیریبسن؟»
اوْغول: «قوْنشونون حیطیندن.»
آنا: «بیلیر آخی؟!»
اوْغول: «هن بابا٬ کۆچه باشیناچان دا قوْوالادی بیله‌می!»
ادبیات اؤیرتمنی(معلّیمی): «"من میلیونرم" نه‌جور جۆمله‌دیر؟»
اؤیرنجی‌لر: «گوْپ!»
گئجه یاریسی بیرینین قاپی‌سی چالینیر؛ ائوصاحاب آچیب چالاندان سوْروشور: «نه ایشیز واردیر؟»
طرف دئییر: «ایجازه‌زله گلمیشیک اوْغورلوغا!»
ائوصاحاب هاوار چکیر: «کؤمک! کؤمک!»
اوْغرو دئییر: «زحمت چکمه‌یین٬ ایکی نفری کؤمک اۆچون گتیرمیشم!»
رییس: «نه‌یه گئج(بئوقت) گلیبسن؟»
کارمند: «یوْخویا قالمیش ایدیم.»
رییس: «ائوده ده یاتارسان؟؟»
ائو صاحاب: «منیژه خانیم سن گۆنده ۱۵ قوْناغا باخماقدان یوْرولماییرسان؟»
ایش گؤرن: «یوْخ آغا ۱۵ قوْناق کی بیر زاد دئییل٬ کندده اوْلاندا گۆنده ۴۰ دنه مال-داوارا باخاردیم!»
بیرینجی اکینچی: «من باغدا ائله قوْرخمالی بیر بوْستان‌قوْرخولوغو(مترسک) قوْیموشام کی٬ قۇشلار بیر دنه مئیوه ده یئیه‌نمه‌ییرلر!»
ایکینجی اکینچی: «من ده ائله قوْرخمالی‌سین قوْیموشام کی٬ قۇشلار قوْنشو باغیندان مئیوه دریب منیم باغیما سالیرلار!»
