منیم سؤزومه اینانماییرسان؟!
یازار : اورمولو
+0 بَیَن
بیر گۆن ماللانصرالدینین قوْنشوسو قاپی‌لارینا گلیب دئییر: ماللاجان ائششگینی بیر گۆن‌لوک منه وئرَرسن چؤل‌دن اوْدون گتیرم؟
ماللا دئییر: مشه‌قوُلو سنه جان وئره‌رَم آمما حَییف ائششک ائوده دئییل!
بوُ حال‌دا ائششگین آنقیرماق سسی ایچَری‌دن گلیر! ماللانین قوْنشوسو دئییر: ماللا ائله بیل ائششگین ائوده دیر!
ماللا حیرص ایله دئییر: سنه بیر هئچ دا؛ من کیمی آغ‌ساققالین سؤزونه اینانماییرسان، ائششگین سؤزونه اینانیرسان؟؟؟
ماللا دئییر: مشه‌قوُلو سنه جان وئره‌رَم آمما حَییف ائششک ائوده دئییل!
بوُ حال‌دا ائششگین آنقیرماق سسی ایچَری‌دن گلیر! ماللانین قوْنشوسو دئییر: ماللا ائله بیل ائششگین ائوده دیر!
ماللا حیرص ایله دئییر: سنه بیر هئچ دا؛ من کیمی آغ‌ساققالین سؤزونه اینانماییرسان، ائششگین سؤزونه اینانیرسان؟؟؟
ائششک‌دن نه خبر؟!
یازار : اورمولو
+0 بَیَن
ماللانصرالدین اوْغلونو ائولندیرمک ایسته‌ییردی. بیر گۆن آروادی‌لا گیزلین‌جه دانیشاندا دئدی: گرک ائششگی ساتیب اوْغلوموزو ائولندیرَک! دئمه اوْغلو بوُ سؤزو ائشیدیر! اوْندان ائله ماللا دانیشماق ایسته‌یَنده، اوْغلو دئییردی: دده اوْنو اؤتور، ائششک‌دن نه خبر؟؟؟
پوُل یوُخوسو
یازار : اورمولو
+0 بَیَن
بیر گئجه ماللانصرالدین یوُخودا گؤرر کی بیری 9 دینار بیله‌سینه پوُل وئریر؛ ماللا دا اونا دئییر: «"الإکرام بالإتمام"، 10 دینار ائله خئییر گؤره‌سن!» بوُ حال‌دا ماللا یوُخودان اوْیانیب گؤرور پوُل‌دان خبر یوْخ‌دور؛ پئشمان اوْلوب، تئز گؤزلرین یوُموب، الینی اوُزالدیب دئییر: «ائله همن 9 دیناری وئر قبولوم‌دور!»
گۆن یوْخسا آی؟
یازار : اورمولو
+0 بَیَن
Latıncası ardında
مولّانصرالدین‌دن سوْروشدولار: گۆنون فایداسی چوْخدور یوْخسا آیین؟
دئدی: آیین!
دئدیلر: نه‌یه؟!
دئدی: گۆن اێشیق‌لی گۆندوزده چێخیر کی اوْلوب اوْلمامازلیغی چوْخ تفاووت ائله‌مه‌ز؛ آمما آی قارانلیق گئجه‌لری اێشیق‌لاندیریر!
مولّانصرالدین‌دن سوْروشدولار: گۆنون فایداسی چوْخدور یوْخسا آیین؟
دئدی: آیین!
دئدیلر: نه‌یه؟!
دئدی: گۆن اێشیق‌لی گۆندوزده چێخیر کی اوْلوب اوْلمامازلیغی چوْخ تفاووت ائله‌مه‌ز؛ آمما آی قارانلیق گئجه‌لری اێشیق‌لاندیریر!
پوُل گیزلتمک یوْلو!
یازار : اورمولو
+0 بَیَن
مولّانصرالدین چؤله چێخیب اوْ تای بوُ تایی قازیرمیش. بیری سوْروشور: مالّا نه ایش گؤرورسن؟
مولّا دئییر: بیر آز پوُلوم وار ایدی، چؤل‌ده قوُیلامیشدیم. ایندی ها آختاریرام تاپیلمیر!
کیشی سوْروشور: نیشان زاد قوْیمامیشدین یئرینه؟
مولّا دئییر: قوْیموشدوم؛ پوُلو قوُیلارکن بیر بوُلود یئرینه کؤلگه سالمیشدی، آنجاق بیلمیرم ایندی نئجه اولوب!!!
مولّا دئییر: بیر آز پوُلوم وار ایدی، چؤل‌ده قوُیلامیشدیم. ایندی ها آختاریرام تاپیلمیر!
کیشی سوْروشور: نیشان زاد قوْیمامیشدین یئرینه؟
مولّا دئییر: قوْیموشدوم؛ پوُلو قوُیلارکن بیر بوُلود یئرینه کؤلگه سالمیشدی، آنجاق بیلمیرم ایندی نئجه اولوب!!!
یئلین ایشلری!
یازار : اورمولو
+0 بَیَن
بیر گۆن مولّانصرالدّین بیر باغین قێراغین‌دان گئچدیکده باغ صاحابی‌نین یوْخلوغونو دۆشونور... ایچَری گیریب سله‌سینی یئرکؤکو ایله دوْلدورور. بیردن باغ صاحابی گلیر!
مولّادان سوْروشور: «مالّا باغ‌دا نه قاییریرسان؟!»
مولّا دئییر: «اؤز جانیم یوْخ سنین جانیوا آند اوْلسون، باغیوین قێراغین‌دان گئچنده بیردن گۆج‌لو بیر یئل اسیب منی آتدی باغا!»
باغ صاحابی دئییر: «سنی یئل آتیب؛ بوُ یئرکؤکولری کیم یئردن چێخاردیب به؟!»
مولّا دئییر: «واللاه یئل اوْ قدر گۆج‌لو ایدی کی، اؤزومو ساخلاماغا هرهانسی یئرکؤکویه ال آتیردیم، داوام گتیرمه‌ییب یئردن چێخیردی!»
باغ صاحابی دئییر: «به ایندی کیم بوُنلاری سنین سله‌وه دوْلدوروب؟!»
مولّا دئییر: «سؤزون دۆزو ائله من ده ایشین اوْراسینا قالمیشدیم کی سن یئتیردین!»
مولّادان سوْروشور: «مالّا باغ‌دا نه قاییریرسان؟!»
مولّا دئییر: «اؤز جانیم یوْخ سنین جانیوا آند اوْلسون، باغیوین قێراغین‌دان گئچنده بیردن گۆج‌لو بیر یئل اسیب منی آتدی باغا!»
باغ صاحابی دئییر: «سنی یئل آتیب؛ بوُ یئرکؤکولری کیم یئردن چێخاردیب به؟!»
مولّا دئییر: «واللاه یئل اوْ قدر گۆج‌لو ایدی کی، اؤزومو ساخلاماغا هرهانسی یئرکؤکویه ال آتیردیم، داوام گتیرمه‌ییب یئردن چێخیردی!»
باغ صاحابی دئییر: «به ایندی کیم بوُنلاری سنین سله‌وه دوْلدوروب؟!»
مولّا دئییر: «سؤزون دۆزو ائله من ده ایشین اوْراسینا قالمیشدیم کی سن یئتیردین!»
