ماللانصرالدّین ایله اوْورو
یازار : اورمولو
+0 بَیَن
بیر گئجه ماللانصرالدینین ائوینه اوْورو دۆشدو. اوْورو هر یانی آختاریب ائوی آلت-اۆست ائله‌دی، آنجاق بیر زاد تاپا بیلمه‌دی. باخیب گؤردو اوْتاغین بوُجاغیندا بیر صاندیق وار دیر. اؤزو ایله فیکیرلشدی: حتماً ماللا پوُل‌لارین اوْندا گیزله‌دیب‌دیر! بوُ فیکیر ایله صاندیغی آچدی. گؤردو ماللا صاندیق‌دا گیزلَنیب‌دیر! قوْرخا-قوْرخا سوْروشدو: ماللا به بوُردا نه ائیله‌ییرسن؟ ماللا دئدی: والله اوْورو جان، چۆن ائوده سیزه قابیل بیر زاد یوْخ ایدی، اوُتاندیغیم‌دان گیزلندیم!
