آز-چوخون نه فرقی؟!
یازار : اورمولو
+0 بَیَن
بیر گۆن ماللانصرالدین باغ‌دان اۆزۆم دریب، ائولَرینه آپارێرمێش. محلّه‌لرینه یئتیرنده، جاوان‌لار ماللانێ دؤوره‌له‌ییب اوزوم ایسته‌ییرلر. ماللا گؤرۆر هره‌یه بیر سالخێم وئرسه، اوزوم‌لردن هئچ‌نه قالماز! بیر سالخێم گؤتۆرۆب، نفره بیر زینگیله (حبّه) وئره‌رک دئییر: «بوُنو یئیین، ائله قالانێ دا بو دادێ وئریر!»
پنیر
یازار : اورمولو
+0 بَیَن
ماللانصرالدین سۆفره باشێـندا آروادێ‌نا دئدی: پنیر گتیر کی پنیر کهلیگی (معده‌نی) گۆج‌لندیریب، گؤیلۆ آچێر.
آروادێ دئدی: پنیر یوْخوموز دور.
ماللا دئدی: داها یاخشێ؛ پنیر کهلیگی زوْرا سالێـب، دیش‌لری لاخلادێر.
آروادێ دئدی: بوُ ایکی سؤزدن هانسێ‌نا اینانێـم؟؟؟
ماللا دئدی: پنیر تاپێـلسا بیرینجی‌یه، تاپێـلماسا ایکینجی سؤزه.
آروادێ دئدی: پنیر یوْخوموز دور.
ماللا دئدی: داها یاخشێ؛ پنیر کهلیگی زوْرا سالێـب، دیش‌لری لاخلادێر.
آروادێ دئدی: بوُ ایکی سؤزدن هانسێ‌نا اینانێـم؟؟؟
ماللا دئدی: پنیر تاپێـلسا بیرینجی‌یه، تاپێـلماسا ایکینجی سؤزه.
دوْغرو/یالان یوُخو!
یازار : اورمولو
+0 بَیَن
ماللانصرالدّین: بوُ گئجه عجاییب بیر یوُخوُ گؤردۆم. یوُخونون یارێ‌سێ دوْغروُ ایدی، یارێ‌سێ یالان!
یوْلداش‌لار: نئجه یانێ؟؟؟!
ماللا: یوُخودا بیر تَلیس قێزێل تاپێب، چیگنیم اۆسته آپارێردیم؛ آنجاق آغێرلێغێن‌دان اؤزۆمۆ ساخلایاممایێب، توُمانێما باتێردێم! اوْیاناندان سوْنرا، قێزێل‌لاردان اثر یوْخ اوُیدوُ، آنجاق توُمانێم باتمێش ایدی!
یوْلداش‌لار: نئجه یانێ؟؟؟!
ماللا: یوُخودا بیر تَلیس قێزێل تاپێب، چیگنیم اۆسته آپارێردیم؛ آنجاق آغێرلێغێن‌دان اؤزۆمۆ ساخلایاممایێب، توُمانێما باتێردێم! اوْیاناندان سوْنرا، قێزێل‌لاردان اثر یوْخ اوُیدوُ، آنجاق توُمانێم باتمێش ایدی!
اؤلۆ دیریتمک!
یازار : اورمولو
+0 بَیَن
ماللانصرالدین زیارت‌دن قایێدان باش پوُلو قوُرتولوب، آجێندان اؤلۆرمۆش. اوُزاق کندلرین بیریندن گئچَنده، بیر ائودن آغلاماق سسی ائشیدیر. ایچَری گیریب جریانێ سوْروشور. ائو اهلی آغالارێ‌نێن اؤلمۆشۆن گؤستَریرلر. ماللا «لاب آرخایێن اوْلون. من اؤلۆ دیریتمک دوعاسێ باجارێرام!» دئییب، بال-چؤرَک ایسته‌ییر. ائو اهلی تَلَسیک بال-چؤرگی گتیریب، ماللانێن قاباغێنا قوْیورلار. ماللا چؤرگی بالا باتێرێب، اؤلۆنۆن باشێنا دوْلاندێرێب، دوعا اوْخویاراق یئییر. بال-چؤرک قوُرتولاندان سوْنرا، ماللا آیاغا قالخێب گئتمک ایسته‌ییر. ائو اهلی سئوینجَک اؤلۆنۆن باشێنا یێغێشێرلار، آنجاق اوْندا دیریلیک ایزی (اثری) گؤرمه‌ییرلر؛ بئله‌جه ماللایا سارێ(طرف) دؤنۆب، حیرص ایله «بوُنون هاراسێ اؤلۆ دیریتمک ایدی؟!» دئییرلر. ماللا گۆله-گۆله دئییر: «آللاه آغانێزا رحمت ائیله‌سین! اوْ دوعا منی دیریتدی!»
کره‌نئی* سس‌لی بۆلبۆل
یازار : اورمولو
+0 بَیَن
ماللانصرالدّین گیزلین‌جه بیری‌نین باغێندا اریک آغاجێ‌نا دێرماشیب اریک‌لری یئییرمیش... باغ صاحاب ماللانێ گؤرۆب سوْروشور: آغاج اۆسته نه ایش گؤرۆرسن؟؟؟
ماللا دئییر: من بۆلبۆلم. آغاج اۆسته قوْنوب اریک‌لردن یئییرم!
باغ صاحاب گۆله‌رَک سوْروشور: اوْخو سسی‌وی ائشیدیم :)
ماللا کره‌نئی سسی‌له های-کۆیه باشلایێر! باغ صاحاب دئییر: بۆلبۆلۆن سسی گؤزل اوْلار سن نه‌جۆر بۆلبۆل‌سن؟!
ماللا دئییر: والله ائله سنین بوُ ایت‌اریک‌لریندن** یئیَن بۆلبۆلۆن سسی بئله اوْلار!!!
*کره‌نئی سسی: اوُرمو لهجه‌سینده اوُجا-ناجۆر سسه دئییلیر. «کره‌نئی» دۆدَگه (شئیپورا) بَنزَر سۆنّتی بیر ساز دێر.
**ایت‌اریگی: لاب کئیفیت‌سیز اریک نوْعو.
ماللا دئییر: من بۆلبۆلم. آغاج اۆسته قوْنوب اریک‌لردن یئییرم!
باغ صاحاب گۆله‌رَک سوْروشور: اوْخو سسی‌وی ائشیدیم :)
ماللا کره‌نئی سسی‌له های-کۆیه باشلایێر! باغ صاحاب دئییر: بۆلبۆلۆن سسی گؤزل اوْلار سن نه‌جۆر بۆلبۆل‌سن؟!
ماللا دئییر: والله ائله سنین بوُ ایت‌اریک‌لریندن** یئیَن بۆلبۆلۆن سسی بئله اوْلار!!!
*کره‌نئی سسی: اوُرمو لهجه‌سینده اوُجا-ناجۆر سسه دئییلیر. «کره‌نئی» دۆدَگه (شئیپورا) بَنزَر سۆنّتی بیر ساز دێر.
**ایت‌اریگی: لاب کئیفیت‌سیز اریک نوْعو.
جوانلیق گۆجو
یازار : اورمولو
+0 بَیَن
ماللانصرالدینی اوُزاق کندلرین بیرینه قوْناق چاغیرمیشدی‌لار. اوْردا ماللا دؤره‌نی خام گؤروب، باشلادی اؤزونو یئکه‌تمگه: «من جوان اوْلان زامان، شهرین مال مئیدانی‌نا گۆجلو-هئیکل‌لی بیر آت گتیرمیشدی‌لر. بوُ آتا کیمسه یاخینلاشا بیلمه‌ییردی. هامی قوْرخا-قورخا قیراق‌دا دوُروب آتا باخیردی. من وضعی گؤروب گۆلمَگیم توُتدو. ال قوْلومو چیرمالاییب مئیدانا گیردیم...» ماللا سؤزونون بوُراسی‌نا یئتیرنده، جوانلیق یوْلداش‌لاریندان ایکی‌سی قوْناق ائوینه گیردی‌لر. ماللا اوْنلاری گؤرَرکن، جریانی بئله قوُرتاردی: ...آنجاق آتی یاخین‌دان گؤرنده من ده گۆجونو بیلیب واز گئچدیم!»
قازان دوْغوب!
یازار : اورمولو
+0 بَیَن
ماللانصرالدّین قوْنشوسونون قازانین امانت آلمیشدی. قایتاراندا، بیر دانا دا بالاجا قازان ایچینه قوْیموشدو. قوْنشوسو بالاجا قازانی گؤروب سوْروشدو: ماللا بوُ نه‌دیر؟!
ماللا دئدی: دۆنَن سیزین قازان بیزیم ائوده بوُ بالاجا قازانی دوْغدو!
قوْنشو اۆرَگین‌ده ماللانین مایمالاق‌لیغینا گۆلوب، سئوینجک قازانلاری گؤتوردو. بیر مودّت گئچدی. یئنه ماللا قوْنشودان قازانی امانت آلدی؛ آنجاق بوُ دفعه قوْنشو نه‌قدر دؤزدو، ماللا قازانی قایتارمادی... سوْن‌دا قونشو ناراحات ماللا گیلین ائوینه گئدیب دئدی: به بیزیم قازان نئجه اوْلدو؟؟؟
ماللا دئدی: آللاه اوُزاق ائله‌سین؛ رحمت‌لیک قازانیز گئجه اؤلدو!
قوْنشو هاوار ایله دئدی: مه‌یه قازان اؤلَر آخی؟!
ماللا گۆله-گۆله دئدی: ائله نئجه کی دوْغا بیلَر، دوْغاندا دا اؤله بیلر!
ماللا دئدی: دۆنَن سیزین قازان بیزیم ائوده بوُ بالاجا قازانی دوْغدو!
قوْنشو اۆرَگین‌ده ماللانین مایمالاق‌لیغینا گۆلوب، سئوینجک قازانلاری گؤتوردو. بیر مودّت گئچدی. یئنه ماللا قوْنشودان قازانی امانت آلدی؛ آنجاق بوُ دفعه قوْنشو نه‌قدر دؤزدو، ماللا قازانی قایتارمادی... سوْن‌دا قونشو ناراحات ماللا گیلین ائوینه گئدیب دئدی: به بیزیم قازان نئجه اوْلدو؟؟؟
ماللا دئدی: آللاه اوُزاق ائله‌سین؛ رحمت‌لیک قازانیز گئجه اؤلدو!
قوْنشو هاوار ایله دئدی: مه‌یه قازان اؤلَر آخی؟!
ماللا گۆله-گۆله دئدی: ائله نئجه کی دوْغا بیلَر، دوْغاندا دا اؤله بیلر!
ماللانصرالدّین ایله اوْورو
یازار : اورمولو
+0 بَیَن
بیر گئجه ماللانصرالدینین ائوینه اوْورو دۆشدو. اوْورو هر یانی آختاریب ائوی آلت-اۆست ائله‌دی، آنجاق بیر زاد تاپا بیلمه‌دی. باخیب گؤردو اوْتاغین بوُجاغیندا بیر صاندیق وار دیر. اؤزو ایله فیکیرلشدی: حتماً ماللا پوُل‌لارین اوْندا گیزله‌دیب‌دیر! بوُ فیکیر ایله صاندیغی آچدی. گؤردو ماللا صاندیق‌دا گیزلَنیب‌دیر! قوْرخا-قوْرخا سوْروشدو: ماللا به بوُردا نه ائیله‌ییرسن؟ ماللا دئدی: والله اوْورو جان، چۆن ائوده سیزه قابیل بیر زاد یوْخ ایدی، اوُتاندیغیم‌دان گیزلندیم!
ائششک > آرواد ؟؟؟
یازار : اورمولو
+0 بَیَن
ماللانصرالدینین آروادی اؤلدو. ماللا بیر گۆن یاس ساخلاییب صاباحی‌سی قارا پالتاری چێخارتدی. ایکی اۆچ ایلدن سوْنرا ماللانین ائششگی اؤلدو. ماللا ائششگین غمیندن قارا گئییب یاس ساخلادی. اۆچ آی گئچدی، آمّا ماللا قارا پالتاری چێخارتمیردی. آخیردا بیر گۆن قوْنشوسو ماللایا دئدی: ماللا آروادا بیر گۆن یاس ساخلادین، به نه‌یه ائششگه اۆچ آی دێر یاس ساخلاییبسان؟؟؟
ماللا دئدی: کبلایی دردیمی دئشمه؛ آروادیم اؤلنده هامی قێزینی منه وئرمک ایسده‌ییردی، آمّا ائششگیم اؤلندن بیر نفر ده ائششگینی منه وئرمک ایسته‌مه‌ییب!
ماللا دئدی: کبلایی دردیمی دئشمه؛ آروادیم اؤلنده هامی قێزینی منه وئرمک ایسده‌ییردی، آمّا ائششگیم اؤلندن بیر نفر ده ائششگینی منه وئرمک ایسته‌مه‌ییب!
ماللا و ایکی آروادی
یازار : اورمولو
+0 بَیَن
ماللانصرالدینین ایکی آروادی وار ایدی؛ بیری قوْجا، بیر جاوان. بیر گۆن آروادلار ماللادان سوْروشدولار: ماللا سن هانسی‌میزی داها چوْخ ایسته‌ییرسن؟؟؟
ماللا دئدی: ائله من ایکی‌نیزی ده بیر اندازه ایسته‌ییرم!
آروادلار راضی دۆشمه‌ییب یئنی‌دن همانی سوْروشدولار، ماللا دا هر دفعه همان سؤزو دئییردی. آخیردا جاوان آرواد ماللایا دئدی: نظرده توُت بیز سوُیا دۆشوب بوْغولوروق؛ سن اوّل هانسی‌میزی چێخاردارسان؟؟؟
ماللا نه قدر فیکیرلشدی بیر سؤز تاپا بیلمه‌دی، ناچار قوْجا آروادینا دئدی: گؤزَلیم اینانیرام سن بیر آز اۆزمک باجاریرسان!
ماللا دئدی: ائله من ایکی‌نیزی ده بیر اندازه ایسته‌ییرم!
آروادلار راضی دۆشمه‌ییب یئنی‌دن همانی سوْروشدولار، ماللا دا هر دفعه همان سؤزو دئییردی. آخیردا جاوان آرواد ماللایا دئدی: نظرده توُت بیز سوُیا دۆشوب بوْغولوروق؛ سن اوّل هانسی‌میزی چێخاردارسان؟؟؟
ماللا نه قدر فیکیرلشدی بیر سؤز تاپا بیلمه‌دی، ناچار قوْجا آروادینا دئدی: گؤزَلیم اینانیرام سن بیر آز اۆزمک باجاریرسان!
